საქართველოს იუსტიციის მინისტრმა, პაატა სალიამ, სსიპ „ციფრული მმართველობის სააგენტოს“ თანამშრომლებს გაწეული საქმიანობისა და პროფესიონალიზმისთვის მადლობა გადაუხადა და აღნიშნა, რომ სააგენტო ქვეყნის ციფრული ტრანსფორმაციის პროცესში მნიშვნელოვან როლს ასრულებს.მინისტრის განცხადებით, თანამედროვე, უსაფრთხო და მოქალაქეზე ორიენტირებული სახელმწიფო სერვისების განვითარება ეფექტიანი საჯარო მმართველობის ერთ-ერთი მთავარი საფუძველია.ღონისძიების მონაწილეებს სიტყვით მიმართა საქართველოს იუსტიციის მინისტრის მოადგილემ, თამარ ზოდელავამ. მან ხაზი გაუსვა, რომ სახელმწიფო უწყებებს შორის კოორდინირებული თანამშრომლობა, ინოვაციური ტექნოლოგიების დანერგვა და მოქალაქეზე ორიენტირებული მიდგომა თანამედროვე საჯარო მმართველობის განვითარების აუცილებელი წინაპირობაა.ციფრული მმართველობის სააგენტოს თავმჯდომარემ, სანდრო ცირეკიძემ, მადლობა გადაუხადა იუსტიციის სამინისტროს, პარტნიორ სახელმწიფო უწყებებსა და სააგენტოს თანამშრომლებს მხარდაჭერისა და თანამშრომლობისთვის.სსიპ „ციფრული მმართველობის სააგენტო“ უზრუნველყოფს სახელმწიფო სერვისების ელექტრონულ ხელმისაწვდომობას, ავითარებს უსაფრთხო ციფრულ გარემოს და ხელს უწყობს ეფექტიანი, მოქალაქეზე ორიენტირებული სახელმწიფო მმართველობის განვითარებას.

საჯარო სერვისების გაერო-ს ფორუმის ფარგლებში, იუსტიციის მინისტრის მოადგილე თამარ ზოდელავა და ციფრული მმართველობის სააგენტოს თავმჯდომარე სანდრო ცირეკიძე ევროპის საბჭოს ციფრული მმართველობის კომიტეტის (CDNET) თავმჯდომარეს, მარიო ერნანდეს რამოსს შეხვდნენ.შეხვედრის მთავარი თემა ევროპის საბჭოს ჩარჩო კონვენცია „ხელოვნური ინტელექტისა და ადამიანის უფლებების, დემოკრატიისა და სამართლის უზენაესობის შესახებ“ იყო, რომელიც ხელოვნური ინტელექტის სფეროში პირველი საერთაშორისო სამართლებრივად სავალდებულო დოკუმენტია.მხარეებმა განიხილეს საქართველოს მიერ კონვენციის რატიფიცირების პროცესთან დაკავშირებული საკითხები, ხელოვნური ინტელექტის მმართველობის ეროვნული ჩარჩოს განვითარების პერსპექტივები და ევროპის საბჭოს მხარდაჭერის შესაძლებლობები. აღინიშნა, რომ საქართველო აქტიურად მონაწილეობს CDNET-ის საქმიანობაში და დაინტერესებულია თანამშრომლობის შემდგომი გაღრმავებით, მათ შორის, ხელოვნური ინტელექტის პასუხისმგებლიანი და ადამიანის უფლებებზე დაფუძნებული გამოყენების მიმართულებით.შეხვედრის დასასრულს მხარეებმა მომავალშიც აქტიური თანამშრომლობის გაგრძელების მზადყოფნა გამოთქვეს, რაც საქართველოს ხელოვნური ინტელექტის მმართველობის სფეროში ევროპული სტანდარტების დანერგვასა და შესაბამისი ინსტიტუციური შესაძლებლობების გაძლიერებას შეუწყობს ხელს.

ციფრული მმართველობის სააგენტოს თავმჯდომარემ, სანდრო ცირეკიძემ, რუმინეთის ინფორმატიკის კვლევისა და განვითარების ეროვნული ინსტიტუტის გენერალურ დირექტორთან, ადრიან-ვიქტორ ვევერასთან სამუშაო შეხვედრა გამართა.მხარეებმა განიხილეს ციფრული მმართველობის სააგენტოსა და ICI Bucharest-ის მიერ გაფორმებული ურთიერთთანამშრომლობის მემორანდუმის ფარგლებში მიმდინარე და დაგეგმილი პროექტები. საუბარი შეეხო ციფრული მმართველობის, მონაცემთა მართვის, კიბერუსაფრთხოებისა და ტექნოლოგიური განათლების მიმართულებით თანამშრომლობის გაღრმავებას.განსაკუთრებული ყურადღება დაეთმო კიბერდიპლომატიის მიმართულებით თანამშრომლობის პერსპექტივებს. მხარეებმა ისაუბრეს რეგიონში კიბერდიპლომატიის ერთობლივი ცენტრის შექმნის შესაძლებლობაზე, რომელიც ხელს შეუწყობს კიბერუსაფრთხოების, სტრატეგიული კომუნიკაციისა და საერთაშორისო თანამშრომლობის გაძლიერებას.საუბარი შეეხო რეგიონულ თანამშრომლობასა და ციფრული კავშირების გაძლიერების შესაძლებლობებს. მხარეებმა იმსჯელეს გამოცდილების გაზიარებაზე, მონაცემთა მართვის თანამედროვე სისტემების განვითარებასა და იმ ინიციატივებზე, რომლებიც ხელს შეუწყობს რეგიონის ქვეყნებს შორის უფრო მჭიდრო ტექნოლოგიურ თანამშრომლობას.სამუშაო შეხვედრა თბილისში მიმდინარე საჯარო სერვისების გაერო-ს ფორუმის ფარგლებში გაიმართა და მას ასევე ესწრებოდნენ სააგენტოს ციფრული მმართველობისა და კიბერუსაფრთხოების სტრატეგიული დაგეგმვისა და საერთაშორისო ურთიერთობების დეპარტამენტის უფროსი ნინო გოზალიშვილი და ამავე დეპარტამენტის კიბერუსაფრთხოების სტრატეგიული დაგეგმვის სამსახურის უფროსი დიმიტრი გუგუნავა.